BLOG

Organic Farming at Tritech Green Energy Pvt Ltd.

“මගේ rooftop එකේ ටැංකිවල කාබනිකව වගා කරලා තියෙන scotch bonnet කොච්චි වල සහ අනෙක් වගාවල  වීඩියෝ සහ photos දැම්මා ඔයගොල්ලන්ට බලන්න. මේ කොච්චි ගහක උස සාමාන්‍යයෙන් අඩි 5-6ක් වෙනවා.   ගහකින්  සතියකදී 3-5 kg විතර කඩා ගන්න පුළුවන්. මේකෙදි අපි rooftop එකේ නිසා බර අඩු media එකක් තමයි භාවිතා කළේ.  මේක අපි විසින්ම හදාගත්ත media එකක්. මේකට භාවිතා කරපු අමුද්‍රව්‍ය පහතින් දානවා අවශ්‍ය අයට භාවිතා කරන්න.

1. දහයියා                               6

2. මතුපිට පස්                         2  

3. කොම්පෝස්ට්                    1

4. කොහුබත්                          1

5. ගොම/කුකුල් පොහොර    1

මීට අමතරව සති දෙකෙන් දෙකට කුඹුරට ගහන්න ආණ්ඩුවෙන් දීපු ජෛව පොහොර වලින් කොටසක් තියාගෙන ඒකෙන් ටිකක් දැම්මා (බොහොම පොඩ්ඩයි දැම්මෙ ක්ෂුද්‍ර ජීවීන් වර්ධනය කරගැනීමට අවශ්‍ය නිසා). අනෙක් එක තමයි සතියෙන් සතියට කෘමි විකර්ශක වර්ගයක් මාරුවෙන් මාරුවට පාවිච්චි කරා. මේකෙදි දහයියා නිසා වතුර බැස යාම හොඳින් සිදු වෙනවා වගේම ටික කාලෙකින් ඒවත් පොහොර බවට පත්වෙනවා.  කර දහයියා හදනකොට  වගේ  දහයියා වල තියෙන පෝෂක කොටස් විනාශ වෙන්නෙත් නෑ.. හැබැයි වගාවට ජලය සැපයීම දිනපතාම කරන්න ඕන. ඒ සඳහා අපි නම් irrigation සිස්ටම් එකක් භාවිතා කරනවා.”

W.P.S Wijayasinghe,

CED, Tritech Green Energy Pvt Ltd.

High Power Emergency Down Light

100% ක් දේශීය නිෂ්පාදන ආයතනයක් වන ට්‍රයිටෙක් ග්‍රීන් එනර්ජි පෞද්ගලික සමාගම මගින් නිෂ්පාදනය කරනු ලබන High Power Emergency Down Light සුවිශේෂී නිෂ්පාදනයක් වීමට හේතු වූ කරුණු පිළිබඳව මින් ඉදිරිපත් කෙරේ. මෙම Emergency Light නිෂ්පාදනයේදී යොදාගනු ලබන LED, බැටරි, LED රඳවනු ලබන මුහුණත් කොටස හැර අනෙක් සියළුම කොටස් අප කර්මාන්තශාලාව තුළ නිපදවන අතර Powder Coatingද  තාක්ෂණය යොදාගනිමින් වර්ණ ගැන්වීම සිදුකරනු ලබන අතර එමගින් නිෂ්පාදනය හානි වීමකින් තොරව දීර්ඝ කාලයක් භාවිතා කළ හැකිය. මෙහි LED Head එක  Die-cast Aluminum යොදාගෙන නිර්මාණය කර ඇති අතර තාපය පිටකිරීමේ සීඝ්‍රතාව ඉහළය. පරිපථය නිර්මාණය කිරීමේදී CNC තාක්ෂණය යොදාගනිමින් නිෂ්පාදන ක්‍රියාවලිය සිදුකරන අතර, සැළසුම් සියල්ල ට්‍රයිටෙක්  ග්‍රීන් එනර්ජි පෞද්ගලික සමාගම තුළදී සිදුකරන ලද පර්යේෂණ හා සංවර්ධන ක්‍රියාවලීන් සමූහයන්ගේ එකතුවකි. වෙළෙඳපොළෙහි පවතින වෙනත් නිෂ්පාදන මෙන් නොව ගුණාත්මක බවින් ඉහළ අපගේ නිෂ්පාදන විදුලිය විසංධි වූ පසු පැය 12කට වඩා වැඩි කාලයක් දැල්වී පවතින අතර වොට් 10ක ජවයකින් දැල්වේ. එනම්, සූත්‍රිකා බල්බයන්හි වොට් 100ක බල්බයක ආලෝකයට සමාන අලෝකයක් ලබා දේ. ඉහළ ප්‍රමිතියකින් යුතු අමුද්‍රව්‍යය යොදාගනිමින්, තත්ත්ව කලමනාකරණය ඉහළ ලෙස තබාගනිමින් නිෂ්පාදනය කරනු ලබන මෙම Emergency Light සඳහා ලොව වටා ඉහළ පිළිගැනීමක් ඇති උසස් තත්ත්වයේ BRIDGELUX (USA) LED යොදාගන්නා අතර  බැටරියද ආරක්ෂක පරිපථයකින් (PCM) සමන්විත ඉහළ ගුණාත්මික බවකින් යුතු LiFePO4 බැටරියකි. අප නිෂ්පාදනයේ අනෙකුත් ගුණාංගයන් පහත පරිදි වේ. 

       Color Temperature: 7000K / 3000K
       Beam Angle : 90° 
       Charging Time : 6 hrs.
       Backup time: 12 hrs.

වෙළෙඳපොළෙහි පවතින අනෙකුත් නිෂ්පාදන වලට වඩා අප නිෂ්පාදනයන් උසස් තත්ත්වයේ වීමට හේතූන් පහත පරිදි සංක්ෂිප්තව දැක්විය හැක.

       විදුලි විසංධි වීමකදී දැල්වෙන කාලය දීර්ඝ වේ.
       පිපිරීම් හා ගිනි ගැනීම් වැනි අනතුරු වීමට හැකියාවක් නොමැත.
       අලුත්වැඩියා කිරීමට පහසු වීම. 
       බැටරිය පමණක් ප්‍රතිස්ථාපනය කිරීමට ඇති හැකියාව.
       බැටරියෙහි අවුරුදු 2 සිට 4 දක්වා වූ ආයු කාලය.
       අවුරුද්දක පූර්ණ වගකීම් සහතිකයක් සහිත වීම.
       වසර 5ක සේවා වගකීම් සහතිකය.
       අකුණු වලින් සිදුවන හානිය අවම වීම. Surge Protection සහිත වේ.

අප සමාගමෙහි නිෂ්පාදනයන් දැනට ශ්‍රීලංකාවේ ප්‍රධාන පෙළේ ආයතන වන ලංකා විදුලිබල මණ්ඩලය, ලංකා බැංකුව, කොමර්ෂල් බැංකුව, සම්පත් බැංකුව, කාර්ගිල්ස් ආයතනය, MAS ආයතන සමූහය, රයිනෝ ආයතනය වැනි ආයතන මෙන්ම Access, Ilukkumbura වැනි ප්‍රමුඛ පෙළේ ඉදිකිරීම් ආයතනද භාවිතයට ගනු ලැබේ.

Double Head High Power Emergency Light

    Color Temperature: 7000K / 3000K
    Beam Angle : 120° at one head
    Charging Time : 6 hrs.
    Backup time: 8 hrs.

වෙළෙඳපොළෙහි පවතින අනෙකුත් නිෂ්පාදන වලට වඩා අප නිෂ්පාදනයන් උසස් තත්ත්වයේ වීමට හේතූන් පහත පරිදි සංක්ෂිප්තව දැක්විය හැක.

අප නිෂ්පාදන,

       විදුලි විසංධි වීමකදී දැල්වෙන කාලය දීර්ඝ වේ.
       පිපිරීම් හා ගිනි ගැනීම් වැනි අනතුරු වීමට හැකියාවක් නොමැත.
       අලුත්වැඩියා කිරීමට පහසු වීම. 
       බැටරිය පමණක් ප්‍රතිස්ථාපනය කිරීමට ඇති හැකියාව.
       බැටරියෙහි අවුරුදු 2 සිට 4 දක්වා වූ ආයු කාලය.
       අවුරුද්දක පූර්ණ වගකීම් සහතිකයක් සහිත වීම.
       වසර 5ක සේවා වගකීම් සහතිකය.

අප සමාගමෙහි නිෂ්පාදනයන් දැනට ශ්‍රීලංකාවේ ප්‍රධාන පෙළේ ආයතන වන ලංකා විදුලිබල මණ්ඩලය, ලංකා බැංකුව, කොමර්ෂල් බැංකුව, සම්පත් බැංකුව, කාර්ගිල්ස් ආයතනය, MAS ආයතන සමූහය, රයිනෝ ආයතනය වැනි ආයතන මෙන්ම Access, Ilukkumbura වැනි ප්‍රමුඛ පෙළේ ඉදිකිරීම් ආයතනද භාවිතයට ගනු ලැබේ.

LED බල්බ දැමීම ඇත්තටම ලාබදායකද? (තුන්වන කොටස)

පෙරදී සාකච්ඡා කළ පරිදි බල්බයක් තෝරා ගැනීමේදී සැලකිළිමත් විය යුතු කරුණු රාශියකි. එ‌‌මෙන්ම අනෙකුත් බල්බ වර්ග සමග සැසදීමේදී LED බල්බ තෝරා ගැනීමේ ඇති වැදගත්කමද සාකච්ඡා කරන ලදි. පෙර ලිපියෙන් සාකච්ඡා කරන පරිදි LED බල්බයක ගුණාත්මකභාවය රදා පවතින සාධක රාශියක් ඇත.

පළමු කොටස

දෙවන කොටස

එතැන් සිට අනෙකුත් සාධක මෙම ලිපියෙන් සාකච්ඡා කරමු.

• LED චිපයේ උෂ්ණත්වය මත ( LED Junction Temperature).

        චිපයේ සන්ධියේ උෂ්ණත්වය LED චිපයේ ආලෝක අවරෝහණය ( Light Decay ) සහ ආයු කාලය ( Life Time) කෙරෙහි දැඩි ලෙස බලපායි. LED  දැරිය හැකි උපරිම උෂ්ණත්වය LED චිපයේ ගුණාත්මකභාවය මත රදා පවතින අතර එය සාමාන්‍ය චිපයක 80 °C  පමණ වන අතර ඉතාම උසස් ගණයේ  චිපයක 120 °C  පමණ  වේ. මෙම උෂ්ණත්වයට වඩා  චිපයේ උෂ්ණත්වය වැඩි වූ විට ආලෝක අවරෝහණය ( Light Decay ) වැඩි වීම හෝ පිලිස්සී යාම සිදු ( Burn )  වේ. මෙය පාලනය සදහා තාප විසුරුවා හැරීම ( Heat Dissipate ) හොදින් කල යුතු අතර ඒ සදහා තාප ගිල්වන ( Heat Sink ) නියමාකාරයෙන් භාවිතා කල යුතුය. බොහෝ විට යුරෝපීය රටවල් සදහා නිර්මිත බල්බ වල තාප ගිල්වන ( Heat Sink ) ශ්‍රී ලංකාව වැනි උෂ්ණාධික රටවල් සදහා නොගැලපේ. වැඩි උෂ්ණත්වය නිසා චිපයේ ගුණාත්මකභාවය මෙන්ම ප්‍රතිදීප්ත ආලේපනයේ ගුණාත්මකභාවයද (Tri-phosphor layer Quality) අඩු වේ. LED විදුලි පහ් නිර්මාණයේදී තාප ගිල්වනය ඉතා හොදින් නිර්මාණය ( Design of Heat Sink ) කිරීම මගින් මෙම ගටළුව නිරකරණය කර ගත හැක.

• සහසම්බන්ධිත  වර්ණක උෂ්ණත්වය ( Correlated Color Temperature, CCT, ආලෝකයේ වර්ණය)

        සහසම්බන්ධිත වර්ණක උෂ්ණත්වය ( Correlated color Temperature ) යනු ආලෝකයේ වර්ණයයි. මෙය මනිනු ලබන්නේ කෙල්වින් ( K ) වලිනි. මේ සදහා පාදක වනුයේ කෘෂ්ණ වස්තුවක් ( Black Body ) හෙවත් සුපිරිසිදු කාබන් කැබල්ලක් යම් උෂ්ණත්වයකට රත් කල විට එම වස්තුව ගන්නා වර්ණයයි.  ආලෝකයේ වර්ණයට සමාන වර්ණයක් ඇති වීම සදහා ක්ෘෂ්ණ වස්තුවක් (Black Body ) රත්කළ යුතු උෂ්ණත්වය සහසම්බන්ධිත වර්ණක උෂ්ණත්වය ( Correlated color Temperature ) ලෙස හැදින්වේ. 

1. වෝම් වයිට් - Warm White                 2700 - 3500K
2. කූල් වයිට් - Cool White                     3500 - 4500K
3. ඩේ ලයිට් - Daylight                          4500 - 5500K
4. කූල් ඩේ ලයිට් - Cool Daylight          6000 – 7000K

ඉහත දැක්වෙන නම් භාවිතය එක් එක් ආයතන අනුව වෙනස් වේ. එබැවින් වර්ණය හදුනා ගැනීමේදී නිවැරදිම ක්‍රමය නම් කෙල්වින් අගය ( CCT ) භාවිතයයි.

තවද, ආලෝක වර්ණ භාවිතය එක් එක් කාර්‍යයන් සදා වෙනස් වේ. ක්ෂණික අහාර ගන්නා ස්ථාන (Fast Dining ) සදහා 6500 K වර්ණය භාවිතා වන අතර සුව පහසු ආහාර ගන්නා ස්ථාන ( Slow Dining ) සදහා 3000 K වර්ණය භාවිතා වේ. තවද ඝර්ම කලාපීය රටවල් වල 6500 K භාවිතා කරන අතර සීත රටවල් වල 3000 K. මෙයට හේතුව වෝම් වයිට් තුලින් උෂ්ණ (ගින්දර) හැගීමක් ඇති වන අතර කූල් වයිට් තුලින් සීත (අයිස්) හැගීමක් ඇති වීමයි.

• වර්ණ ව්‍යාප්ති දර්ශකය ( Color rendering Index - CRI )

        මෙමගින් ගණනය කරනු ලබන්නේ එම ප්‍රභවය මගින් නිකුත් කරන අලෝකය මගින් වස්තුවක වර්ණය හදුනා ගැනීමට කෙතරම් හැකියාවක් ඇත්ද යන්නයි. මෙය ගණනය කරනු ලබන්නේ ආලෝකයේ වර්ණ බෙදී යාම ( ‍දෘෂ්‍ය පරාසය තුළ තරංග ආයාමන් සදහා ) කෙතරම් හොදින් සිදු වී ඇත්දැයි නියදියන් ගණනක් පරීක්ෂා කර දත්ත ලබා ගැනීමෙන් පසුවය. විදුලි බල්බ වර්ග වල  Color Rendering Index ( CRI ) පහත දැක්වේ.

1. සූර්ය ආලෝකය  (Sun Light)                                                         100
2. ෆිලමන්ට් බල්බ (Incandescent Bulb)                                             100
3. හැලජන් බල්බ (Halogen Bulb)                                                      100
4. ප්‍රතිදීප්ත ටියුබ් බල්බ (Fluorescent Tube Bulb)                             50-80
5. සංයුක්ත ප්‍රතිදීප්ත බල්බ (Compact Fluorescent Lamp - CFL)      50-80
6. මෙටල් හේලයිඩ බල්බ  (Metal Halide Light)                                 70-85
7. සෝඩි‍යම් වේපර් බල්බ (Low pressure Sodium Vapor Lamps)       5-25
8. ආලෝක විමෝචක ඩයෝඩ බල්බ (Light Emitting Diode)             70-90
9. මර්කරි බල්බ (Mercury bulbs)                                                        5-20

වෙළදසැලකදී විදුලි බල්බ වල ආලෝකයෙන් තෝරන ලද ඇදුම් පිටදී බලන විට වෙනස් වර්ණයක් දිස් වනුයේ, හිරුගේ ආලෝකයේ CRI 100 අගය වුවද විදුලි බල්බ වල ආලෝකයේ CRI අගය 80 ට වඩා අඩු අගයක් ගන්නා බැවිනි. රෙදිපිළි, ආහාර වැනි වර්ණය මත ඉතා සංවේදී නිෂ්පාදන තත්ව පරික්ෂාවේදී CRI ඉහල අගයක් ඇති ව්දුලි බල්බ යොදා ගනී.

• වර්ණ සංකලන අපගමනය (SDCM – Standard Deviation Color Matching)

        සමහරවිට එකම CCT ඇති විදුලි බල්බ දෙකක වර්ණයන් වෙනස් වීම් අප ඇසට දැනෙන අවස්ථා අත්දැක ඇත. එසේ වීමට හේතුව වනුයේ අප CCT ගණනය කරන්නේ රතු පැහැයේ සිට සුදු පැහැය සහ නිල් පැහැය දක්වා රේඛීයව වුවද, පහත රූප සටහනේ දැක්වෙන  වර්ණ අවකාශය තුල එකම CCT අගයන් වලද වෙනත් වර්ණයන්ගේ සන්කලනයක් සිදුවිය හැක. මෙම වෙනස් වීම ඇසට දර්ශණය වන සීමාවන් මැක් ඇඩම්ස් නම් විද්‍යාඥයා විසින් MacAdam’s Ellipse නම් ඉලිප්සාකාර හැඩයන්ගෙන් දක්වා ඇති අතර එය වර්ණ සංකලන අපගමනය (SDCM – Standard Deviation Color Matching) ලෙස හැදින්වේ. මෙය  SDCM නම් ඒකකයෙන් ගණනය ක‍රන අතර SDCM අගය 1 ට වඩා අඩු වූ විට වර්ණ වෙනස ඇසට කිසිසේත් නොදැනේ. එම අගය 2 ට වැඩි වූ විට දෘෂ්‍යමාන වීම පටන් ගැනෙන අතර 4  ට අඩු අගයන් ඇති බල්බ හොද තත්වයේ  විදුලි බල්බ ලෙස සැලකේ.

W.P.S Wijayasinghe (CED- Tritech Green Energy Pvt Ltd)

LED බල්බ දැමීම ඇත්තටම ලාබදායකද? (දෙවන කොටස)

පෙර ‌කොටසින් සාකච්ඡා කළ පරිදි බල්බයක් තෝරා ගැනීමේදී සැලකිලිමත් විය යුතු කරුණු වලට අමතරව පහත කරුණු කෙරෙහිද සැලකිළිමත් විය යුතුය.

පළමු කෙටස කියවීමට මෙතනින් පිවිසෙන්න.

·      දීප්ත කාර්‍යක්ෂමතාව (Efficacy, Luminous efficiency)

දීප්ත කාර්‍යක්ෂමතාව (Efficacy, Luminous efficiency) යනු ඕනෑම විදුලි බල්බ වර්ගයක වොට් 1 ක ක්ෂමතාවයකදී ලබා දෙන ආලෝක ප්‍රමාණය වේ,

එනම් බල්බයේ දීප්ත කාර්‍යක්ෂමතාව (Efficacy)  = දීප්ත ශ්‍රාවය /ක්ෂමතාවය (= Lumen of the Lamp/Wattage)

මෙය බල්බ වර්ග අනුව වෙනස් වන අතර LED බල්බ වලද LED Chip වල ගුණාත්මකභාවය අනුව වෙනස් වේ. සාමාන්‍යයෙන් භාවිතා කරන විදුලි බල්බ වල දීප්ත කාර්‍යක්ෂමතාව (Efficacy) සලකා බලමු.

1.         ෆිලමන්ට් බල්බ (Incandescent Bulb)                                              10-12 lm/W
2.        හැලජන් බල්බ (Halogen Bulb)                                                        15-20 lm/W
3.        ප්‍රතිදීප්ත ටියුබ් බල්බ (Fluorescent Tube Bulb)                                 40-80 lm/W
4.        සංයුක්ත ප්‍රතිදීප්ත බල්බ (Compact Fluorescent Lamp - CFL)        50-80 lm/W
5.        මෙටල් හේලයිඩ බල්බ  (Metal Halide Light)                                   75-100 lm/W
6.        සෝඩි‍යම් වේපර් බල්බ (Low pressure Sodium Vapour Lamps)       90-120 lm/W
7.        ආලෝක විමෝචක ඩයෝඩ බල්බ (Light Emitting Diode)               80-150 lm/W

LED බල්බ දැමීම ඇත්තටම ලාබදායකද? (පළමු කොටස)

o   කොරිඩෝරය           50 - 100  Lux

o   ගබඩාව                      100 - 200 Lux

o   කාර්යාල                    200 - 500 Lux

o   ශල්‍ය කාමර             40,000 – 160,000 Lux